Молитвы ко святому - Серафим Саровский - Каталог статей - Галина
Галина-неофициальный сайт               Свято-Ильинского храма в с.Новоеhttp://galinkhttp://galinka.su/25.jpga.su/25.jpg
Воскресенье, 11.12.2016, 01:23
Приветствую Вас Гость |Главная | Регистрация | Вход
Меню сайта
Форма входа
Категории раздела
Мои статьи [2]
Фестиваль православной культуры "Благовест" [7]
История Свято-Ильинского храма [3]
Диакон Андрей Кураев [5]
Серафим Саровский [9]
Пророк Илия [6]
Святитель Николай Угодник [2]
Православные притчи [4]
Игумен N [10]
Настоятели храмов Владимирской области [1]
Святые на владимирской земле [6]
Святые источники на владимирской земле [6]
История Суздальского района [1]
Вопрос-ответ [23]
Стихи [39]
Разное [24]
Как вести себя в храме [4]
Устройство православного храма [5]
Церковные таинства [3]
Поминальная книга [0]
Пост [12]
Краткое обьяснение православных богослужений [6]
Профессор А.И.Осипов [37]
Молитвы [12]
Молитослов детям [9]
Чудеса православия [16]
Можно ли верить снам [7]
Научное доказательство бытия Бога [25]
Крест [6]
Биографии [11]
Святая блаженная Матрона Московская. [3]
Монастыри на владимирской земле. [5]
Монастыри России [6]
Паломнические поездки [1]
Святые Галины [2]
Колокол [3]
РАЙ И АД [3]
Толкование Библии [3]
Святые [1]
Поиск
Новое (Суздальский р-н)
Народный календарь. Приметы.

Про каждый день...
Главная » Статьи » Серафим Саровский

Молитвы ко святому

1. Краткие молитвы

Святый преподобне отче Серафиме, моли Бога о нас!

Господи Иисусе Христе Сыне Божий, молитвами преподобного отца нашего Серафима, Саровского чудотворца, помилуй мя грешного. Аминь.



2. Тропарь, глас 4

От юности Христа возлюбил, блаженне,/ и Тому

Единому работати пламенно вожделев,/ непрестанною

молитвою и трудом в пустыни подвизался еси,/

умиленным же сердем любовь Христову стяжав,/

Избранник возлюблен Божия Матери явился еси./

Сего ради вопием ти: / спасай нас молитвами твоими,

Серафиме, преподобне отче наш.


3. Кондак, глас 2

Мира красоту и яже в нем тленная оставив,/ в

Саровскую обитель вселился еси: / и тамо ангельски

пожив, / многим путь был еси ко спасению: / сего

ради и Христос, тебе, отче Серафиме прослави, / и

даром исцелений и чудес обогати, / темже вопием ти:

// радуйся, Серафиме, преподобне отче наш.



4. "О, великий угодниче Божий..."

О, великий угодниче Божий, преподобне и Богоносне отче наш Серафиме! Призри от горения славы на нас смиренных и немощных, обремененных грехами многими, твоея помощи и утещения просящих. Проникни к нам благосердием твоим и помози нам заповеди Господни непорочно сохраняти, веру православную крепко содержати, покаяние во гресех наших усердно Богу приносити, во благочестии христианстем благодатно преуспевати и достойны быти твоего о нас молитвеннаго к Богу предстательства. Ей, святче Божий, услыши нас молящихся тебе с верою и любовию и не презри нас требующих твоего заступления: ныне и в час кончины нашея помози нам и заступи нас молитвами твоими от злобных наветов диавольских, да не обладает нами тех сила, но да сподобимся помощию твоею наследовати блаженство обители райския. На тебя бо упование наше ныне возлагаем, отче благосердный: буди нам воистину ко спасению путевождь и приведи нас к невечернему свету жизни вечныя Богоприятным предстательством твоим у престола Пресвятыя Троицы, да славим и поем со всеми святыми достопоклоняемое имя Отца и Сына и Святаго Духа во веки веков. Аминь.



5. "О, пречудный Отче Серафиме..."

О, пречудный Отче Серафиме, великий Саровский чудотворче, всем прибегающим к тебе скоропослушный помощниче! Во дни земного жития твоего никтоже от тебе тощь и неутешен отыде, но всем в сладость бысть видение лика твоего и благоуветливый глас словес твоих. К сим же и дар исцелений, дар прозрения, дар немощных душ врачевания обилен в тебе явися. Егда же призва тя Бог от земных трудов к небесному успокоению, николиже любы твоя преста от нас, и невозможно есть исчислити чудеса твоя, умножившаяся, яко звезды небесныя; се бо по всем концем земли нашея людем Божиим являешися и даруеши им исцеления. Темже и мы вопием ти: о, претихий и кроткий угодниче Божий, дерзновенный к нему молитвенниче, николиже призывающия тя отреваяй! Вознеси о нас благомощную твою молитву ко Господу сил, да дарует нам вся благопотребная в жизни сей и вся к душевному спасению полезная, да оградит нас от падений греховных и истинному покаянию да научит нас, во еже безпреткновенно внити нам в вечное Небесное Царство, идеже ты ныне в незаходимей сияеши славе, и тамо воспевати со всеми святыми Живоначальную Троицу во веки веков. Аминь.




6. "О преподобне отче Серафиме.."

О преподобне отче Серафиме, Бога Истиннаго усердный ревнителю, Церкве православныя новое украшение, христианскаго благочестия дивный подвижниче! К тебе прибегаем, тебе просим, тебе скорбных душ наших помышления отверзаем. Моли Бога о людех, страстьми и суетой мира сего обуреваемых: не престай молитися Ему о всех к тебе притекающих и помощи твоея просящих. Не презри малаго усердия нашего, умножи сие молитвою твоею. Даруй нам благодатию Божиею от скорбей избавление и от болезней исцеление, уврачуй наша недуги душевныя и телесныя, разум наш к познанию православныя веры направи, и Заповеди Божия вся соблюдати нам помози. Ум православных людей от омрачения и неверия сохрани, всем же Христову любовь друг к другу имети сотвори, да тако во благочестии Христове преуспевающе, в радости сердца восклицаем тебе: радуйся, помощниче наш: радуйся, исцеление наше; радуйся, утешение наше; радуйся, радосте наша; преподобне отче Серафиме, и нас твоея радости сподоби во веки веков. Аминь.




7. "Преподобне Отче Серафиме, любовию Божественной исполненный..."

Преподобне Отче Серафиме, любовию Божественной исполненный, любви Божественной непрестанный служителю, любимче Матери Божественной Любви, услыши мя, малолюбящего и многоогорчающего тя. Даждь и мне быти ныне усердным служителем Благодатной Любви. Той убо любви, яже долготерпит, не завидует, не превозносится, милосердствует, не гордится, не бесчинствует, не ищет сил своих, не раздражается, не мыслит зла, не радуется о неправде, радуется же о истине: вся любит, всему веру емлет, вся терпит, яже николиже отпадает!

Сия любви служителем быти мне и всем моим присным, и зидемым, и другом умоли Любовь изначальную, да послужив любовию Ей на земли, твоим ходатайством, молитвами Богородицы и всех святых достигну Царства любви и славы, и света, и припаду к стопам Владыки моего, давшего нам заповедь об истинной любви.

Отче любящий, не отрини мольбы сердца, любящего тя, и о прощении моих грехов любящего Бога умоли. Помози нам нести тяготы друг друга, не делать другим, чего себе не хотим, вся любовию покрывать, и с сердечною песнию любви окончив земную жизнь, начать с нею же радостно вечную жизнь в стране истинной любви. Помолись за нас, отче, нами любимый, отче, любящий нас! Аминь.




8. Акафист преподобному Серафиму Саровскому чудотворцу

Кондак 1.

Избранный Чудотворче и предивный угодниче Христов, скорый помощниче и молитвенниче наш, преподобне отче Серафиме! Величающе прославльшаго тя Господа, воспеваем ти похвальная. Ты же, имеяй велие дерзновение ко Господу, от всяких нас бед свободи зовущих: Радуйся, преподобне Серафиме, Саровский Чудотворче.

Икос 1.

Ангелов Творец избра тя изначала, да прославиши житием твоим пречудное имя Святыя Троицы: явился бо еси воистинну Ангел на земли и во плоти Серафим: яко луч пресветлый вечнаго солнца правды, просветися житие твое. Мы же, зряще прехвальные труды твоя, с благоговением и радостию глаголем ти сицевая : Радуйся, правило веры и благочестия: радуйся, образе кротости и смирения. Радуйся, преславное верных величание: радуйся, претихое скорбным утешение. Радуйся, прелюбимое иноков похваление: радуйся, живущим в мире предивное поможение. Радуйся, Российския державы славо и ограждение: радуйся, Нижегородския и Тамбовския страны священное укращение. Радуйся, преподобн Серафиме, Саровский Чудотворче.

Кондак 2.

Видящи мати твоя, преподобне отче Серафиме, теплую любовь твою ко иноческому житию, позна святую волю Господню о тебе, и Богу яко дар совершен приносящи, благослови тя на тесный путь иноческий святым крестом своим, егоже до конца жития твоего на персех носил еси, знаменуя велию любовь твою к распеншемуся за ны Христу Богу нашему, Ему же вси со умилением зовем: Аллилуа.

Икос2.

Разум небесный тебе даровася, святче Божий: от юности твоея не престая помышляти о небеснем, оставил еси дом отчий, Царствия Божия ради и правды Его. Сего ради приими от нас похвалы сия: Радуйся, града Курска чадо богоизбранное: радуйся, родителей благочестивых отрасль пречестная. Радуйся, добродетели матере своея унаследивый: радуйся, благочестию и молитве ею наученный. Радуйся, на подвиги от матере крестом благословленный: радуйся, благословение сие яко святыню до смерти соблюдый. Радуйся, любве ради Господа дом отеческий оставивый: радуйся, вся красная мира сего ни во чтоже вменивый. Радуйся, преподобне Серафиме, Саровский Чудотворче.

Кондак 3.

Сила Вышняго от юности твоея воистину храняше тя, преподобне: с высоты бо храма спадша сохрани тя Господь неврежденна, и страждущу ти люте Сама Владычица мира явися, с небес исцеление принесши, зане измлада верно служил еси Богу, выну взывая Ему: Аллилуа.

Икос 3.

Имея тщание о подвизе иноческаго равноангельнаго жития, во град святый Киев поклонения ради преподобным Печерским притекл еси, и от уст преподобнаго Досифея повеление приим, в пустыню Саровскую путь свой управити, верою издалеча облобызал еси место святое сие, и тамо вселився житие твое богоугодное скончал еси. Мы же, дивящеся таковому о тебе Божию промышлению, с умилением вопием ти: Радуйся, мирския суеты отрешивыйся: радуйся, Небеснаго Отечества пламенне возжелевый. Радуйся, Христа всем сердцем возлюбивый: радуйся, благое иго Христово на себе восприемый. Радуйся, совершеннаго послушания исполненный: радуйся, святых Заповедей Господних блюстителю верый. Радуйся, ум твой и сердце в Бозе молитвенно утвердивый: радуйся столпе благочести непоколебимый. Радуйся, преподобне Серафиме, Саровский Чудотворче.

Кондак 4.

Бурю злых напастей утишая, прошел еси весь путь тесный и скорбный подвига иноческаго, несый ярем пустыннаго жития, затвора и молчания, многонощнаго бдения, и тако благодатию Божиею восходя от силы в силу, от деяния к боговидению, преселился еси во обители горния, идеже со ангелы поеши Богу: Аллилуа.

Икос 4.

Слышаще и видяще святое житие твое, преподобне отче Серафиме, вся братия твоя удивляхуся тебе, и приходяще к тебе, поучахуся о словесах твоих и повизех, славяще Господа, дивнаго во святых Своих. И мы вси с верою и любовию восхваляем тя, преподобне отче, и вопием ти сице: Радуйся, всего себе в жертву Господеви принесый: радуйся, на высоту безстрастия возшедый. Радуйся, воине Христов добропобедный: радуйся, Небеснаго Домовладыки рабе благий и верный. Радуйся, предстателю о нас пред Господем непостыдный: радуйся, к Богородице молитвенниче наш неусыпный. Радуйся, пречуднаго благоухания крине пустынный: радуйся, благодати Божия сосуде непорочный. Радуйся, преподобне Серафиме, Саровский Чудотворче.

Кондак 5.

Божественный свет осия жилище твое, преподобне, егда, болящу ти и на одре смертнем лежащу, Сама Пречистая Дева пришедши к тебе со святыми апостолы Петром и Иоанном, рече: сей есть от рода нашего, и главе твоей коснуся. Абие же исцелев, воспел еси благодарне Господеви: Аллилуа.

Икос 5.

Видя враг рода человеча чистое и святое житие твое, преподобне Серафме, восхоте погубити тя: наведе бо на тя люди злы, иже беззаконно истязаху тя и еле жива суща оставиша: ты же, отче святый, яко агнец кроток, все претерпел еси, за обидящих тя Господеви моляся. Темже мы вси, таковому твоему незлобию дивящеся, вопием ти: Радуйся, в кротости и смирении твоем Христу Богу подражавый: радуйся, незлобием твоим духа злобы победивый. Радуйся, чистоты душевныя и телесныя хранителю усердный: радуйся, пустынниче, дарами благодатными преисполненный. Радуйся, подвижниче богопрославленный и прозорливый: радуйся наставниче монахов предивный и богомудрый. Радуйся, Святыя Церкве похвало и радование: радуйся, обители нашея славо и удобрение. Радуйся, преподобне Серафиме, Саровский Чудотворче.

Кондак 6.

Проповедует пустыня Саровская подвиги и труды твоя, богоносне угодниче Христов: дебри бо и леса ея молитвою облагоухал еси, Пророку Божию Илии и Крестителю Господню Иоанну подражая, и явился еси пустыни прозябание многоплодное дарами Духа Святаго. Егоже действием многая и преславная совершил еси, подвизая верных воспеваати благих подателю Богу: Аллилуа.

Икос 6.

Возсия в тебе новый боговидец, Моисею подобный, Серафиме блаженне: непорочно бо служение олтарю Господню совершая, сподобился еси зрети Христа, во храме со безплотными силами грядуща. Сему Божию о тебе благоволению дивящеся, воспеваем ти сице: Радуйся, боговидче преславный: радуйся, Светом Трисиянным озаренный. Радуйся, Пресвятыя Троицы служителю верный: радуйся, Духа Святаго жилище украшенное. Радуйся, Христа со ангелы телесными очима лицезревый: радуйся, в бренном телеси райскую сладость предвкусивый. Радуйся, хлебом жизни насыщенный: радуйся, питием безсмертния напоенный. Радуйся, преподобне Серафиме, Саровский Чудотворче.

Кондак 7.

Хотя Челоколюбец Господь явити в тебе, преподобне, Свое неизреченное к людем милосердие, показа тя яко воистинну светило богосветлое: делы бо и словесы твоими всех приводил еси ко благочестию и любви Божией. Темже, сиянием подвигов твоих просвещени и хлебов учения твоего насыщени, тебе усердно величаем и прославльшему тя Христу вопием: Аллилуа.

Икос 7.

Новаго видяще тя избранника Божия, издалеча притекаху к тебе вернии в скорбех и болезнех: и сих бедами отягченных не отринул еси, источая целения, даруя утешение, предстательстуя в молитвах. Темже исходаше во всю землю российскую вещание чудес твоих, и сице тя славляху духовная чада твоя: Радуйся, пастырю наш добрый: радуйся, отче милостивый и кроткий. Радуйся, врачу наш скорый и благодатный: радуйся, немощей наших целителю милосердный. Радуйся, в бедах и обстояниих помощниче скорый: радуйся, душ смятенных умирителю пресладостный. Радуйся, грядущая яко настоящая провидевый: радуйся, прегрешений сокровенных обличителю прозорливый. Радуйся, преподобне Серафиме, Саровский Чудотворче.

Кондак 8.

Странное чудо видим на тебе, преподобне: яко старец сый немощный и притрудный, тысящу дний и тысящу нощий на камени в молитве пребывал еси. Кто доволен изрещи болезни и борения твоя, блаженне отче, яже претерпел еси, воздея преподобнеи руце твои к Богу, Амалика мысленнаго побеждая и Господеви поя: Аллилуа.

Икос 8.

Весь еси желание, весь сладость, Сладчайший Иисусе! Тако в молитвах взывал еси, отче, в пустынном безмолвии твоем. Мы же, суетою помраченнии и во гресех все житие иждившии, восхваляюще любовь твою ко Господу, сице вопием ти: Радуйся, любящим и чтущим тя ходатаю спасение: радуйся, приводяй грешников ко исправлению. Радуйся, молчальниче и затворниче предивный; радуйся, молитвенниче о нас усердный. Радуйся пламенную любовь ко Господу показавый: радуйся, огнем молитвы стрелы вражия попаливый. Радуйся, свеще неугасимая, молитвою в пустыни пламенеющая: радуйся, светильниче горяй и светяй даровании духовными. Радуйся, преподобне Серафиме, Саровский Чудотворче.

Кондак 9.

Все естество ангельское удивися странному зрению: старцу бо сущу в затворе, небесе и земли Царица явмся, повелевающи, да открыет затвор свой и да не возбранит людем православным внити к себе, но да всех пети научит Христу Богу: Аллилуа.

Икос 9.

Ветии многовещаннии не возмогут изрещи крепость любве твоея, блаженне: предал бо еси себе на служение всем приходящим к тебе, повеление Богоматере исполняя, и был еси недоумевающим советник благий, унывающим утешитель, заблуждающихся кроткое вразумление, болящих врач и целитель. Сего ради вопием ти: Радуйся, от мира в пустыню вселивыйся, да добродетели приобрящещи: радуйся, из пустыни во обитель возвративыйся, во еже добродетели семена сеяти. Радуйся, Духа Святаго благодатию осиянный: радуйся, кротости и смирения исполненный. Радуйся, притекавшим к тебе отец чадолюбивый: радуйся, в словесах любве ободрение и утешение им подававый. Радуйся, приходящия к тебе радостия и сокровищем именовавый: радуйся, за любовь твою святую радостей Небеснаго царствия сподобивыйся. Радуйся, преподобне Серафиме, Саровский Чудотворче.

Кондак 10.

Спасительнаго твоего подвига, преподобне, достиг скончания, на молитве коленнопреклоненно, святую душу твою в руце Божии предал еси, юже ангели святии вознесоша горе ко Престолу Вседержителя, да со всеми святыми предстоиши во славе невечерней, воспевая песнь хвалебную святых Святейшему Слову: Аллилуа.

Икос 10.

Стена всем святым и инокам отрада, Пресвятая Дева пред кончиною твоею явиси ти, провозвестивши близкое твое к Богу отшествие. Мы же, дивящея таковому посещению Богоматере, вопием ти: Радуйся, небесе и земли Царицу лицезревый: радуйся, явлением Божия Матере обрадованный. Радуйся, весть от Нея ко преселению небесному приемый; радуйся, праведною кончиною святость жития твоего показавый. Радость, в молитве пред иконою Богоматере умиленный дух твой Богу предавый: радуйся, неболезненным исходом проречения твоя исполнивый. Радуйся, венцем безсмертия от руки Вседержителя увенчанный: радуйся, блаженство райское со всеми святыми унаследовавый. Радуйся, преподобне Серафиме, Саровский Чудотворче.

Кондак 11.

Пение непрестанное Пресвятей Троице вознося, преподобне, всем житием твоим подвижник великий благочестия явился еси, заблуждшим на вразумление, болящим душею и телом на исцеление. Мы же, благодарни суще Господеви за таковую милость Его к нам, выну зовем Ему: Аллилуа.

Икос 11.

Светоподательный светильник быв в житии, богоблаженне отче, и по смерти твоей возсиял еси яко светозаное светило российския земли: источаеши бо от честных мощей твоих токи чудес всем с верою и любовию к тебе притекающим. Темже мы яко молитвеннику о нас теплому и Чудотворцу вопием ти: Радуйся, множеством чудес от Господа прославленный: радуйся, любовию твоею всему миру возсиявый. Радуйся, любве Христовы верный последователю: радуйся, утешение всем требующим твоея помощи. Радуйся, источниче чудес неоскудеваемый: радуйся, болящих и недужных исцелителю. Радуйся, многоцелебныя кладезю неисчерпаемый: радуйся, яко вся концы земли на шея любовию твоею объял еси. Радуйся, преподобне Серафиме, Саровский Чудотворче.

Кондак 12.

Благодать и велие твое дерзновение пред Богом ведуще, тебе, преподобне отче, молимся: молися тепле ко Гоподу, да хранит Церковь Свою Святую от неверия и раскола, от бед и напастей, да поем тобою благодеющему нам Богу: Аллилуа.

Икос 12.

Поюще твое прославление, ублажаем тя, преподобне, яко многомощна молитвенника о нас пред Господем, утешителя и заступника, и с любовию возглашаем ти сице: Радуйся, Церкве Православныя похвало: радуйся, отечеству и обители нашея щит и ограждение. Радуйся, путеводителю, всех к небеси направляяй: радуйся, защитниче наш и покровителю. Радуйся, силою Божиею многая чудеса содеявый: радуйся, ризою твоею многия недужныя исцеливый. Радуйся, вся козни диавольския победивый: радуйся, звери дивия кротостию твоею покоривый. Радуйся, преподобне Серафиме, Саровский Чудотворче.

Кондак 13.

О предивный угодниче и великий Чудотворче, преподобне отче Серафиме, приими малое сие моление наше, в похвалу тебе возносимое, и предстоя ныне Престолу Царя царствующих, Господа нашего Иисуса Христа, молися о всех нас, да обрящем милосердие Его в день судный, в радости поюще Ему: Аллилуя. (Трижды).

И паки икос первый и кондак первый.

Категория: Серафим Саровский | Добавил: алфавит (24.09.2010)
Просмотров: 1043 | Теги: Галина, саровский.серафим, молитвы | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]
Мини-чат
Друзья сайта
  • Официальный блог
  • Сообщество uCoz
  • FAQ по системе
  • Инструкции для uCoz
  • Статистика

    Онлайн всего: 1
    Гостей: 1
    Пользователей: 0
    Rambler's Top100
    Copyright MyCorp © 2016 Сайт управляется системой uCoz